/261/ EXERCITATIO XXXVIII
Quae Peripateticorum de monstris adducat
et confutet opiniones.
Aristoteles duo de monstris responsa
dedit: unum, monstra esse peccata Naturae,
quae materia dicitur; alterum monstra
esse Naturae excursus seu praevaricationes.
Primum his verbis exprimit in 2. Physicorum, text.
81.: «Natura duplex est: alia quidem ut materia,
alia vero ut forma. Finis autem est haec; propter finem
autem caetera, haec utique erit causa, cuius gratia
et monstra peccata sunt illius, quae propter aliquid
agit». Idem vult in libro 4. De generatione
animalium, cap. 4. «Apertum est ‑ inquit ‑ causam
eventorum huiusmodi (scilicet monstrorum) in
materia esse putare oportere». Probat hac demonstratione:
«Si vitella distinguuntur membrana, gemini
pulli discreti sine ulla supervacua parte generantur;
sed, si vitella continuantur nec ulla interiecta
membrana disterminantur, pulli ex eis
monstriferi prodeunt, corpore et capite uno, cruribus
quaternis, alis totidem, quoniam superiora ex
albumine generantur et prius (vitello enim cibo
eis est), pars autem inferior postea instruitur».
Aristotelis certe de monstris sententia mihi
monstruosa et portentosa videtur. Nam, ut
Indice
|
Pagine introduttive |
|
EXERCITATIONES |